الفلم فاز بخمس جوائز للاوسكار في سنه عرضه!!
تتكلم قصه الفلم حول رجل يعيش اياما سعيده مع اصدقائه الطائشين و لكن تتغير حياته بعد ارساله كجندي في حرب فيتنام التي ادت بنتائجها الى تغير علاقته مع اصدقائه و حياته بشكل عام في هبوط سلبي ...
.
.
.
💬 الفلم شفته ع اساس ميريل ستريب اللي ترشحت فيه كأفضل دور مساعد بالاوسكار و توقعت اشوف دورها بنسبه اكثر و دور فعال لكن بصراحه وجودها ضعيف و مادري شلون فازت بالجائزه ، هل هوليوود بالماضي ما كان فيها افلام وايد اللي ع اساسها تقل المنافسه بينهم ؟، اوكي ما ننكر مشاهده دينيرو و ميريل و كريستوفر وولكن بعز شبابهم شي يمتع العين و خاصه دينيرو اهو افضل مافي بالفلم و قد يكون اغلب التقييم له ، بس بصراحه اكتشفت ان افلام السبعينات بااارده و خفيفه لدرجه القصه قد تكون بصفحه وحده مكتوبه و يمددونها و يطولونها لثلاث ساعات لفلم دراما و يركزون ع امور ماهي بالحسبان بافلامنا الحاليه و قد يكون هالشي جميل للبعض و مضيعه وقت للجانب الاخر بس بالنسبه لي الفلم باارد و شبه ممل رغم وجود هالنجوم، القصه مقسومه لثلاثه اجزاء ( ما قبل الحرب+ اثناء الحرب+ ما بعد الحرب ) و طبعا اول ساعه للفلم مالها داعي ابدا و الفلم يكفيه ساعه الى ساعه و نص كقصه و احداث و اجمل شي عجبني بالاحداث النهايه و معنى الصداقه بالفلم ، الفلم قيمته كوسط لانه يمكن يعجب عشاق الكلاسيك و السبعينات و قد اكون ظالم نوعا ما لهالفتره لان ما عشت ايامها ،#للعلم الفلم مدته ثلاث ساعات للي يبي يشوفه💬
اسم الفلم: The Deer Hunter
نوع الفلم: دراما
السنه: 1978
بطوله: Robert DeNiro, Meryl Streep
My Rate: 6.5
IMDB: 8.2
ليست هناك تعليقات:
إرسال تعليق